Ka Lympung ba 26 ka Seiñ Kyntu Seiñ Raij 12 Daloi ha Seiñ Raij Shnong Wapung Shnong

Jowai, K’lyngkot 12: Ka Seiñ Kyntu Seiñ Raij – 12 Daloi kumba ka ju pynlong ha manla u snem mynta u snem ruh ha ryngkat bad ka jingïatrei lang bad ka Seiñ Raij Shnong Wapung Shnong, ka wan ban pynsngew ha phi ki khun U 7-Trep, 7-Skum, ba ka Lympung – 26 kan long ha ka 28, 29 tarik January 2023, ha ka Shnong Wapung Shnong East Jaiñtia Elaka Jowai naduh ka por 10:00 baje mynstep.
Kumta da kane ka kyrwoh, ka Seiñ Kyntu Seiñ Raij -12 Daloi ryngkat bad ka Seiñ Raij Shnong Wapung Shnong ngi khot sngewbha ïa phi ki khun U 7-Trp, 7-Skum baroh ban ïa pyllait por khnang ban ïawan sha katei ka Lympung.
Na ka liang ka Seiñ Kyntu Seiñ Raij 12 – Daloi ngi kyrpad ïa ki khun ka bri u 7-trep 7-skum lyngba ki tnad Seiñ Raij bapher bapher ba phin ïa trei lang ryngkat ba ka SKSR 12-Daloi da ka phah ïa ki nongïa shim bynta bad ki paidbah ban wan sha kane ka Lympung.
Ha katei ka Lympung yn don ki Shad Tynre (Culture) bad ki jingsneng jingkraw na ki riew rangbah, ha ka ban pynneh pynsah ïa ka Niam ka Rukom bad ka Dustur ka Riti kaba ïoh pateng na u Blei Trai Kynrad.
Ka Seiñ ka khot lang ïa baroh da kaba ïawer de ïa ki para Riew Seng baroh kiba don najan na jngai ban ïa wan lem sha katei ka Lympung. Ka seiñ ka khmih lynti ba ka lympung kan long kaba phuh ba phieng da ka jingïatrei lang.
Ka Lynti ban ïaid ka dei na u surok ban leit na Jowai sha Khliehriat bad ka jing jngai na Jowai ha Wapung Shnong ka long tang 22.2 Kilometer. Kane ka long katkum ka jingpyllait khubor na u Rgh, S. Sari Adviser ka Sein Kyntu Seiñ Raij 12 – Daloi.