Shillong, Kyllalyngkot 12 : Ka seng National People’s Party hynne ka sngi palei, kala pynbna paidbah ïa ka kyrteng jong ki 58 ngut ki kyrtong kiban ia aireng ha kane elekshon MLA 2023 na ki 58 tylli ki constituency.
ïa kane ka thup kyrteng la pynbna haka jingïalang ba la ai kyrteng “Stronger Together” ne “Ka Bor Bakhlain Ban Iadonlang” kaba la pynlong ha madan Polo bad kaba la wan ïashim bynta da ki phew hajar ngut ki paidbah.
Haba kren haka jingïalang paidbah kaba la wan ban sakhi da ki phew hajar ngut ki paidbah, u Conrad ula ong ha kine ki 5 snem ki nongïalam na ki seng saiñ pyrthei bapher kila wan ban pynïasoh bad ka NPP kaba pyni shai kdar baka NPP ka nang khlaiñ.
Ula ong kiba bun ki kyrtong kiba la dep ban pynbna ïaka kyrteng jongki ban ïakhun ïaka elekshon MLA kim dei satia kiba don ha kajuh ka rynsan ha u snem 2018 hynrei ha kine ki 5 snem ki la wan ban don bynta noh bad ka ïing ka sem jongka NPP.
U Conrad ula ong ba u pdiang sngew bha ïa ki kyrtong bad ïa ki nong ïalam na ki seng saiñ pyrthei bapher bad ula ong, ba kila wan ban pynïasoh bad ka seng ym na ka bynta ka jingmyntoi ha ka kam saiñ pyrthei hynrei na ka bynta ka dawbah ban shakri ïa u paidbah ka jylla.
Ka NPP kam pat shym la pynbna ïa ki kyrtong ban ïakhun na South Shillong Constituency ba mihkhmat da u MLA ka BJP Bah Sanbor Shullai bad na Mairang kaba mihkhmat da u President ka UDP bah Metbah Lyngdoh namar kat haduh mynta kam pat ïoh ki kyrtong kiba biang ban pynïakhun.
U National President bad Myntri Rangbah Conrad K Sangma ïalade un ïakhun na South Tura, u hynmen James K Sangma na Dadenggre , U National Vice President bad Symbud Myntri Rangbah bah Prestone Tynsong na Pynursla Constituency bad ma Sniawbhalang Dhar na Nartiang Constituency.
Kiwei pat ki kyrtong kiba pawkhmat bha ki kynthup ïa ki Myntri Sorkar, ki MLA, ki MLA barim, MDC bad kiwei kiwei.
Kine ki long Dasakhiatbha Lamare (Nongkrem) – Wailadmiki Shylla (Jowai), Comingone Ymbon (Raliang), Sosthenes Sohtun (Jirang), Pyniaid Sing Syiem (Mawryngkneng), Gigur Myrthong (Mawshynrut), Timothy D Shira (Resubelpara), Rupert M Momin (Kharkutta), Pongseng R Marak (Bajengdoba), Jim M Sangma (Rongjeng), Marcuise N Marak (Williamnagar), Abdus Saleh (Rajabala), Thomas K Sangma (North Tura), Rakkam A Sangma (Rongara-Siju), Brening A Sangma (Dalu).
Ki phra ngut ki MLA kiba la wan pynïasoh sha ka NPP bad ïakhun na ka party ki long Dr M Ampareen Lyngdoh (East Shillong), Mohendro Rapsang (West Shillong), Hamletson Dohling (Mylliem), Samlin Malngiang (Sohiong), Kimfa Sydney Marbaniang (Rambrai-Jyrngam), Marthon J Sangma (Mendipathar), Jimmy D Sangma (Tikrikilla), Jason Sawkmie Mawlong (Umsning),
Ki MLA kiba rim ki ban ïakhun na ka party ki long ma Nehlang Dhar (Khliehriat), Stephanson Mukhim (Amlarem), Kennedy Cornelius Khyriem (Mawphlang), Martin M Danggo (Ranikor), Abu Taher Mondal (Phulbari), Nihim D Shira (Songsak),
Ki saw ngut ki MDC ban ïakhun na ka NPP ki long Macdalyne Sawkmie Mawlong (Nongpoh), bah Teibor Pathaw (Mawlai), Alvin K Sawkmie (Mawsynram), Grace Mary Kharpuri (Shella)
Ki longkmie ki ban iakhun na ka party ki long kong Santa Mary Shylla (Saipung-Sutnga), Dr Jasmine Lyngdoh (Nongthymmai), Biolinda Lyngdoh Nonglait (Mawthadraishan),
Kiwei ki kyrtong ki long ma Habahun Dhar (Mowkaiaw), Shemphang Lyngdoh (Mawhati), Damanbait Lamare (Umroi), Rocky Hek (Pynthorumkhrah), Ransom Sutnga (North Shillong), Alan West (Sohra), H Stalyne Diengdoh (Mawkyrwat), Arbinstone Marak (Selsella), Subir Marak (Rangsakona), Stevie M Marak (Ampati), Sanjay A Sangma (Mahendraganj), Ian Botham K sangma (Salmanpara), Rakesh A Sangma (Gambegre), Sengchim N Sangma (Chokpot) and Satto R Marak (Baghmara).
