Ka jingpyrkhat ki briew ba u Bah Mayral Born Syiem un rung NPP ka dei tang ka jingmutdur : Bah Balajied Ranee

Nongpoh, Lber 25: U Working President ka UDP Ri-Bhoi u Bah Balajied Ranee u la ong ba hadien ka jingmih noh u Bah Donbok Khymdeit kum u President ka UDP ryngkat bad kiwei ki dkhot, kala mih ruh ka khubor hamsaia ba u Bah Mayral Born Syiem MLA ka Nongpoh ruh un leit pynïasoh NPP.
Haba pynshai halor katei ka khubor naka liang u Bah Balajied Ranee u la ong “Ka jingmutdur ka jingmih khubor shipor ba nga ngan leit noh sha ka party UDP ka dei tang ka jingmutdur hynrei haka por ba nga mih naka congress ka don ka daw, ha kaba ki suspon ïa u MLA jong ngi u Bah Mayral Born Syiem, bad ngi shim ruh ba u MLA u dei u briew ba ngi pynjop lada ki suspoon ïa u ki supon lang ïa ngi.
Namarkata ka daw nga ruh nga shim ka sienjam ba ngan mih noh naka party congress hynrei ha kane ka kynti ba mynta ngin don daw aiu ba ngin mih na ka UDP, bad ka jingpyrkhat ki briew ïa u Bah Mayral ruh kam long kaba shisha ka dei tang ka jingpyrkhat namar haduh mynta ym pat iohi kano kano ka dak ka shin ba in kren ne ong eiei ban don sha kata ka party bad kine baroh ki dei tang ka jingmutdur ki paidbah bad ngim lah ban khang ïakata ka jingmut dur jong ha kaba kham kongsan ka long ba ngin skhem kum ki nongmihkhmat ban neh haka party UDP, u la bynrap.