Ka jingpynbeit ïeng kali ha ka jingïaseng Assembly ha ka Balang Presbynterian Sutnga

0

Khliehriat iaiong 14 : Na ka bynta kito ki kali kiba leit sha ka jingïaseng Assembly ka ban long ha ka Balang Sutnga, kata ha ka sngi u Blei, la pynbeit ba ki don khatsaw tylli ki jaka ïeng kali bad kin don ruh ki jaka ban nym shah ban rung kali (No Entry).
Ki jaka ban pynïeng ïa ki kali la pynbeit ba ka Parking No. 1 kan dei ha Madan Shnong, Parking No. 2 kan dei ha Pdeiñ Sarkari, Parking No 3, kan dei ha Pdeiñ Sarkari, Parking No 4, ka don hajan ka jaka long jingïaseng, Parking No 5, ka don ha ka jaka jong u bah Sandy Bamon, ïa kine ki parking yn pynïaid da ki Volunteer.
Kiwei pat ki jaka ïeng kali (Parking) kiba yn peit bad pynïaid da ki pulit kin dei ka Parking No 6 bad Parking No 7, kaba don ha Syrpo Lower Primary School, ka Parking No 8, ka don ha ka jaka jong u bah Forgive Dkhar, ka Parking No 9, ka dei ha ka Diphu Nongtdu bad ha ka lynti Lumjingtep, Parking No. 10, ka dei ha Green Hill School, ka Parking No.11 ka dei ka V.I.P.Parking, ka Parking No 12, ka dei ha Mission Football Ground, Parking No 13, ka dei ha Madan Pohshnong bad ka Parking No 24, ka dei ha Holy Trinity School.
Ki jaka ki ban nym shah ban ïaid ki kali (No Entry), ki dei naduh ka Parking No 5 shaduh ka jaka long jingïaseng, ym shah ban ïaid kali sha ka Parking No 10 bad parking No 11, kata sha Sutnga Presbyterian Higher Secondary School, , ym shah ruh ban ïaid kali na ka parking ‘Mission Football Ground sha ka jaka long jingïaseng, kumjuh ruh na CHC Sutnga sha ka jaka long jingïaseng, na surok (main road) sha ka jaka long jingïaseng.
Ïa ki kali yn tehlakam da ki pulit pynïaid kali naduh Wapung shaduh Lad Sutnga, kumjuh ruh na duh ïew Khliehriat shaduh Sookilo.

Leave A Reply

Your email address will not be published.