Ka jingkongsan jong ka ïew janmiet: Ka jingkhmih bniah ïa ka iew janmiet ha Nan Polok

Shillong, Lber, 5: Haba ka sngi ka la sep, ki briew ki ïa mih ban leit sha ka iew janmiet ha Nan Polok. Hadien bun ju khang shuh ha ka por 5 baje janmiet kum ba ju long, ka phalor ka plie ïa ki nongdie jingieid ban plie ïa ki dukan jong ki ban pynkylla dur ïa ka Nan Polok da ki jingthaba bad jingshai, ka bam ka dih lem bad ki jingput jingtem ban pynshongshit.
Haba peit ïa ki dukan, ngi lah ban Shem ïa ki dukan bam bad kiwei kiwei ki ukn ba die ïa ki mar ba bun jait lem bad ka jingdon ka rynsan ka put ka tem,bad ngi ai khublei ïa ka MGMP namar kane. Hadien ka por 5 baje janmiet ki paidbah ki la sdang ban ïa tuid sha kane ka jaka ban wad ïa ki jaka ban ïoh shong jahthait hajan ka rynsan ban ïohsngew ïa ki sur jingrwai katba kiwei pat ki ïaid pyngngad sharum shneng ban peit ïa ka jingitynnad ka Nan Polok bad ban rung sha ki dukan ba don sawdong kane ka jaka naduh ba la plie paidbah ha ka 19 Tarik u kyllalyngkot.
Kane ka iew ka plielad ïa ka jingïadei hapdeng ki jaid bynriew bapher bapher bad ka jingpynneh ïa ka riti distur. Ym kum ha ka por mynsngi, kane ka iew janmiet ka wanrah ïa ka jingïadei lyngba ka put ka tem, ka bam ka dih bad ki mar ba shu shna hi.
Lyngba une u bnai baroh shi bnai, la sakhi ïa ka jingwan jong ki briew bapher bapher sha kane ka jaka. Ki la mad ïa ki jingbam ki babang bad bashngiam, ki la peit bad thied ïa ki tiar ki tar bad ki la peit ïapmat ïa ka jingitynnad jong ka jaka. Man ka ki dukan ki don la ka jong ka jong ka jingitynnad kaba pynpaw ïa ka jingriewspah ka kolshor bad ki riti distur jong ngi.
Ha kane ka iew miet, ka jingphai khmat kam long tang ha ka kamai kajuh hynrei ban don ka jingïadei kaba jan bad ki nongdie jingdie. Ka pynpaw ïa ka mynsiem ha Meghalaya kum ha ka sngi iewbah ha kaba ki briew ki leit sha iew ym tang ban leit siew leit tda. Ka kren ka khana ka ïaid shaid shaid hapdeng ki nongdie bad nongthied kaba wanrah ïa ka jingïajan ha ka imlang.
Ka iew ka hat kam da dei eh ka jaka ban ïa sngewbha, ka dei ka rynsan ïa ki nongsengkam lajong, ki nongrep, ki nongshna tiar ban ïoh ban pyni ïa ka sap ka phong jong ki. Ka jinglong jan ka ailad ïa ki nongwan ban ban bad leh sngewbha ïa kaei ka ba ki lah ban ai kum ka bam ka dih, ki tiar ki tar bad ki mar rep ha ka dor ka ba tad ha kane ka iew
Hapdeng ka ïa jong ka bor digital ka bym donkam ïa ka jingïashem mar met, ka iew janmiet ha Nan Polok ka ieng kum ka ta ka ba ju long ban ïashen bad ïakynduh markhmat. Ki bahaiing hasem,ki lok ki jor bad wat ki nongwei ki ïakynduh da ka jingsngewtynnad, ban ïasam ym tang ïa ki jingbam hynrei ïa ki khana bad ka rkhie sngewbha. Haba sakhi ïa kum kane ka jinglong jingman ka wanrai ïa ka jingsngew long trai bad jingsngew long paralok ka long ka b bha ka ban beh noh ïa ka jingsngew ïapher jaid bynriew ka ban pynskhem ïa ka jingïadei para briew
Haba u bnai Lber u la wan, ka iew janmiet ka la jam sha u bnai bakhatduh. Ha ka jingïakren balyngkot bad ki nongpynïaid ka pynpaw ïa ka jingthmu ban lehkmen ïa kane ka jingjop da ki prokram bakyrpang. Na ka bynta kito ki ba kwah ban lait na ki jingbunkam ba man ka sngi, ka jingleit sha ka iew janmiet ha Nan Polok mynta u bnai phin mad ïa jingkmen bad jingsngewbha.