Shillong, Risaw 31: Ka Conference ne ka jingïalang bah jong ki Nonghikai Primary ka ri India, hapoh ka lama jong ka All India Primary Teachers Federation kan long ha Shillong naduh ka 3 haduh 5 tarik u Naiwieng 2022.
ïa kane ka Conference yn pdiang da ka All Meghalaya Primary Teachers State Association (AMPSTA) ha kaba yn pynlong ha Madan Polo. La sngewthuh ba da ki spah ngut ki Nonghikai na kylleng ka ri India kin poi sha kane ka jingalang.
U Babu FC Shullai, General Secretary ka APSTA uba long ruh u Secretary ka All India Primary Teachers Federation u la ïathuh ba ka sorkar jylla kan ai shuti ïa baroh ki Skul Primary ha ka 4 tarik u Naiwieng 2022, khnang ban ailad ïa ki Nonghikai ban wan sha kane ka jingalang namar ba ka don ka Open Session ka ban sdang ha ka por 2 baje janmiet, ha kaba u Bah DP Wahlang, IAS, u Chief Secretary ka jylla un long u Kongsan. Katba i Kong RM Kurbah, R.M.Kurbah IAS, Director of School Education & Literacy Govt. Meghalaya bad u Rampal Singh, President IPTF kin long ki Kongsan Symbud.
Ka AMSTA ka khot ka wer ïa baroh ki Nonghikai Primary ban wan sha kane ka jingïalang khamtamn ha ka 4 tarik u Naiwieng.
