Shillong, K’lyngkot, 06: U Nongïalam jong Liang Pyrshah u Mukul Sangma ha ka sngi Thohdieng u la ong ba ka Jylla kan sa sakhi ïa ka jingpyndonkam ïa ka bor pisa bad ka jingpyni bor ha ka por elekshon.
U Sangma u la ai ïa kane ka jubab halor ka jingkylli ba la kynnoh ba ki kyrtong jong ki seng saiñpyrthei bapher bapher ki la sdang ban sam pisa tang ban khroh vote. Ka la don ruh ka jingujor pyrshah ïa u Myntri ka Sorkar Jylla u Bah Dasakhiatbha Lamare halor ka jingkynnoh ba u la sam pisa sha ki paidbah jong ka Nongkrem Constituency.
Ha ka jingïakren bad ki lad pathai khubor u la ong ba u la ïohi ïa kane kajuh ka jingpyrshang ba ka jingpyndonkam ïa ka bor pisa bad ïa ka jingpynibor ha ki snem baladep ha ka elekshon ba ladep long jong ka Garo Hills Autonomous District Council.
