Jurip ki ophisar ka ophis SMB ïa ki nongdie madan ha Khyndai Lad

Shillong, Kyllalyngkot 19: Ki ophisar jong ka Shillong Municipal Board hynne ka sngi ki la jurip ïa ki kyrteng jong ki nongshong die madan ha Police Bazar ban lap ïa kiba la don kyrteng ha ka list bad ka ophis, kane ka jingjurip ka long ban pynthikna ba ki dei shisha ki nongshong die madan.
La ïohi ba ha kane ka sngi na ka liang ka ophis ka SMB ki la leit ban jurip ia kawei pa kawei kiba don kyrteng ban ban shem la ki shong die madan hajuh ne ki kynriah na ka jaka kaba ki shong, ki da kylli ruh ïa ki kyrteng bad ka number kaba la don ha ka jingthoh bad ka ophis jong ka SMB.
Kane ka jingjurip ka long ban pynshisha ïa ka jingdon ki nongshong die madan bad ha kajuh ka por ban pynthikna ba kan nym mih kano kano ka jingbakla lada ka ophis ka pynkynriah ïa ki kan nym bakla ha kaba ai jaka ïa ki shawei.
Kat kum ka tyllong khubor la ïathuh ba ka Shillong Municipal Board ki ïathuh ba ka ophis ka la leh katkum ki kyndon baroh kiba la buh ha kaba jurip ïa ka jingdon ki nongdie madan katkum ka list kaba kila don ha ophis.