Khliehriat, Naiwieng 17: Ka jingïalehkai phutbol kaba la tip kum ka 1st Open Veteran Football Tournament na ka bynta kiba 40 snem shaneng bala pynïaid da ka East Jaiñtia Hills District Football Association (EJHDFA) kaba la long hynne ka sngi ha madan Deinchynrum, Khliehriat EJHD.
Haba phai sha ka jingïakhun kaba nyngkong naka liang jong ka kynhun ïalehkai Tyllilang VFT kala lah ban pynliem da 3-0 kol ïa ka Wahiajer Narpuh VFT. Ïa kitei ki kol na ka Tyllilang VFT la thep da u Khrismasius Shadap haka minit ba 2 & 41 bad u Seibor Sohshen haka minit ba 50.
Ha ka jingïakhun kaba ar ka West Jaiñtia Police Ft kala pynliem da 1-0 kol ïa ka Para i SC, ïa katei ka shikol na ka West Jaiñtia Police Ft la thep da u Ram Dkhar haka minit ba 52.
La pyntip ba ki kynhun kiba la ïoh ban rung sha ka jingïakhun Quarter Final jong kane ka lympung ki long ka West Jaiñtia Police, Para i SC, Ar Daloi FC, Border Area VFT, Tyllilang VFT bad ka 12 Daloi FC.
