Jowai, Risaw 22: Ka jingïalehkai phutbol haka kyrdan Super Division Football Tournament 2023 ba la ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai hynnin ka sngi siatjaiñ ha madan Kiang Nangbah Stadium, Dongmihsngi Jowai.
Haba phai sha kane ka jingïakhun, na ka liang jong ka kynhun Nangbah Mulang kala khur ïa ka namjop hadien ba pynliem da 3-1 kol ïaka Mynthong, u Albert Lyngdoh u la ïoh ban khyrwit ar kol na bynta ka kynhun kiba u la thep haka minit ba 49 & 85, bad u Soki Lamare haka minit ba 62. Katba na ka liang ka Mynthong ïa ka shikol la thep da u Pynkhreh Talang haka minit ba 15.
Ka jingïakhun mynta ka Lah Sngi U Blei (23 tarik Risaw, 2023 kan long hapdeng ka Mukhla Raij SC pyrshah ïa ka Shangpung Lumiawmushai por 2 baje nohphai sngi.
