Jied ka MBA ïa ki rang bad thei ïalehkai ban mihkhmat sha ka 2nd North East Olympic Games

7 bad 8 tarik Risaw yn jied sa ïa ka kynhun ki Senior

0

Shillong, Risaw 03 : Ka Meghalaya Basketball Association (MBA) ha ka 1 tarik Risaw (sngi Saitjaiñ) ka la ïoh ban pynlong ka jingpyrshang (trial) ban jied ïa ki nongïalehkai kiba dei ha ka liang ki junior shynrang bad kynthei ha madan Basketball ha Polo, Shillong.
Ki nongïalehkai ba ka liang ki shynrang kiba la shah jied na katei ka prokram ban mihkhmat ïa ka jylla sha ka 2nd North East Olympic Games 2022 kaban sa pynlong ha kane ka jylla naduh ka 10 tarik Naiwieng ki kynthup ïa u Daniel Babitlang Rani (EKHD), Rijanmi Synnah (WJHD), Rapborlang Kharpuri (EKHD), Josaia Sungoh (EKHD), Rodrick Lyngdoh (EKHD), Venpuia (EKHD), Amos Rapbor Myrboh (EKHD), Cuwe Mero (EKHD), Andy Lianlal (EKHD), Mebanjop Shadap (EKHD), Friendly John Lyngdoh (Ri Bhoi) bad u Brelian M. Marak (WGHD).
Kiba la shah jied kum ki rangïalehkai pynap (reserve) ki long u Rudolf M.B Marweiñ, Beibeipatha (EKHD), Salgado CH Sangma (WGHD) bad u Damanbha Khyriem (EKHD). Head coach jong kane ka kynhun ki shynrang u dei u Bah Dulon Banjop Kharsati, Asst Coach Ronaldo Kalwing bad Manager Bah Mark A. Dunai.
Katba ha ka liang ki kynthei kiba la shah jied ki long ka Wapaka Sumer (EKHD), Lynette P Mylliemngap (EKHD), Reyana Syiemsad (EKHD), ka Hakidaroi Sumer (EKHD), Wanrikiti Kurbah (EKHD), Nicole D Lyngdoh (EKHD), Ibanakisaka Basaiawmoit (EKHD), Stacynia Ryntathiang (EKHD), Saphira Sun (EKHD), Wansara Nongsiej (EKHD) ka Graceful Lyngkhoi (EKHD) bad ka Tengsilchi B Marak (WGHD).
Kiba la shah jied kum ki thei pynap ki long ka Tipriti Bareh (EKHD), Ibankerbha Mawlong (EKHD), Phibanylla Marweiñ (EKHD) bad ka Feridicaa J Nongrum (EKHD). Head Coach dei ka Yolinda Hynñiewta, Asst Coach Arthur Lyngdoh bad Manager Cordialicia Dkhar.
Na ka liang ka Basketball Association kan sa pynlong pat ka jingpyrshang (trial) na bynta ka kynhun ki senior (Shynrang bad Kynthei) ha ka 7 tarik bad 8 tarik Risaw ha madan Basketball ha IIM Mawkasiang naduh ka por 6:30 baje mynstep. La shah tang na bynta ki nongïalehkai kiba dei ki trai shnong jong ka jylla Meghalaya ban ïashim bynta ha katei ka prokram jied nongïalehkai da kaba wanrah lang ki syrnot jingpynshisha ha ka por ba pynrung kyrteng.
Ka prokram kilan met na bynta ka kynhun jong ki senior kan sdang naduh ka 10 tarik Risaw 2022 ban pynkhreh na bynta ka North East Olympic Games kaban sa pynïalehkai ha kane ka jylla naduh ka 10 tarik haduh ka 16 tarik Naiwieng 2022.

Leave A Reply

Your email address will not be published.