Jah u rangbah ryngkat ka kali katba dang thmu leit theh petrol

Shillong, Nailur 29:Uwei u rangbah uba kyrteng u Justin Sohphoh 54 snem rta u la jah rngai noh na la ïing naduh ka 16 tarik mynta u bnai na ka shnong Akonggre, Tura ha ryngkat ka kali private kaba don ïa u No MLO5-Y 7258
Katkum ka jingïathuh da kiba haïing la ong ba u Bah Sohphoh u la mih na la ïing da ka jingthmu ban leit theh umphniang na petrol pump hynrei naduh katei hi ka sngi um shym la wanphai shuh sha la ïing.
Ha kaba nyngkong ka kurim jong u ka la phone sha ka khun kaba sah ha Shillong da ka jingtharai ïoh ba u wan sha Shillong, bad ha ka 19 tarik mynta u bnai na ka liang kiba haïing hasem na Sakwang SWKH ruh ki la leit sha Tura ban wad jingtip hynrei ym shym la lapdien satia.
Kumta ha ka 20 tarik mynta u bnai na ka liang ka kurim bad ki khun ki la ujor noh da ka FIR ha Tura PS.
Halor kane ka jingjia na ka liang kiba haïing hasem ki kyntu ba lada don kiba ïohi ne don jingtip ha kaba ïadei bad une u rangbah kin sngewbha ban phone sha kine ki nombor :9863389561, 6909030952, 6909643618, 9436363922.