Shillong, Lber 31: Ki Pulit ka North Garo Hills haka miet 30 tarik mynta u bnai, ki la ïoh ban pyllait im ïa uwei u nongbylla sngi uba shah rahbor ha ka kynhun ki runar.
ïa une u nongbylla ba shah rahbor la tip kum u Leeku G Momin 26 snem ka rta bad la rahbor ïa u katba u dang ïoh thiah ha ka ïing ha Nokpante ha kaba kumba 7-8 ngut ki runnar kila rung bad rahbor ïa u.
Haba ïoh jingtip ïa kane ka jingjia, ki Pulit ka North Garo Hills haka jingïatreilang bad ki CRPF jong ka 120 Bn kila pynlong ïa ka jingkhynra haki katto katne jaka.
Ki Pulit kila lah ban tip ïa ka jaka ba u shah rahbor bad kila ïoh pyllait ïa u na kawei ka khlaw kaba don ha ka shnong A’brong.
“Ka jingthwet ban lap ïaki ba donkti ba rahbor ka dang ïaid shaid shaid bad ym lah ban kyntait ba ka lah ban don ka jingïashun hapdeng u lanot bad kiba rahbor. Ka jingtohkit ka dang ïaid” la ong u Bruno A Sangma u superintendent of police ka North Garo Hills.
