Shillong, Lber 12: Ki shipai Ïada Pud ki la ïathuh ba ha ka 11 tarik mynta u bnai, 2024, ki shipai kiba la peitngor bha jong ka kynthun ka 172 Bn BSF Meghalaya da kaba suk ki la lah ban pynpulom bad kurup ïa ki jaiñ bad kiwei ki tiar ba la thmu ban khaïi beaiñ sha Bangladesh kiba la shongdor kumba T. 14 lak ba la thmu ban shalan lyngba u pud ka ri kaba ha East Jaiñtia Hills district.
Hadien ba la ïoh ka jingtip kaba thikna ïa kitei ki tiar la kurup da ki shipai BSF hadien ba la tep hapoh ka khlaw kaba hajan u pud u sam ka ri, ba la thmu ban khaïi sha beaiñ Bangladesh. Ïa kitei ki tiar ba la ïohkem la aiti sha ka ophis custom ban leh ïa ki kam katkum ka aiñ.
