ïoh khwai ki pulit sa kawei ka metiap ba khlem khlieh ha Umiam
![](https://mawphor.com/wp-content/uploads/2022/08/umiam-750x430.jpg)
Shillong, Naitung 10 : Ki Pulit ka East Khasi Hills, ki la ïoh tam ïa kawei ka metiap u rangbah briew ka bym don khlieh shuh, kaba la per ha sla um jong ka dam Umiam.
ïa kane ka metiap bym pat lah ban ithuh, la ïoh ban tam na ka thaiñ Mawdun, Iapngor. La antad ba une u briew ula don hapdeng ka 30-40 snem ka rta bad ba jrong kumba 5.5 ft.
ïa ka metiap la wan kit noh sha Shillong Civil Hospital ban pyndep ïa ka post mortem bad ban wan kam ki bahaïing hasem. Ki Pulit ki la register case ïa kane ka jingjia ha Lumdiengjri Police Station.