Shillong, ïaïong :Ki shipai Border Security Force (BSF) Meghalaya ha ka 24 tarik mynta u bnai ki la ïoh ban kem ia arngut ki longkmie nong India bad ïoh ban kurup ïa ka pisa Bangladesh kaba 90,000 Taka katba ki dang wan rung beaiñ sha ki bynta khappud ka India napoh Bangladesh.
ïa kine ki arngut ki longkmie la tip kyrteng kum ka PrimalaHajong bad ka RimiBhadra kiba dei ki nongshong shnong jong ka shnong Betgora PS- Dangar, East Khasi Hills.
Ha ka jingtohkit, baroh kine ki arngut ki la phla ba ki la rung shapoh Bangladesh lyngba ki jaka khappud ba khlem ker sainar bad ïoh pdiang ïa kane ka pisa Bangla na uwei u nongkhaïi beaiñ ka Bangladesh uba la tip kyrteng kum u Hamid.
ïa kane ka pisa Bangla kumjuh ïa kine ki longkmie la aiti noh sha ki bor pulit ha Dangar,East Khasi Hills na ka bynta ban bteng shuh shuh ïa ka jingtohkit bad ban shim ïa ki sienjam ba donkam.
