Jowai, Lber 16: Ka Khasi Students’ Union (KSU) bad ka Federation of Khasi Jaiñtia & Garo People (FKJGP) ha ka sngi Saitjaiñ ki la ïoh bat saw ngut ki bar jylla kiba kam ïalade ba ki dei na jylla Assam da ka jingthmu ban leit sha Sohmynting, West Jaiñtia Hills khlem don ki kot ki sla kiba biang.
Ha ka jingïoh bat ïa ki bar jylla la don lang da u Vice President ka Jowai Unit Bah L. Dhar bad u General Secretary ka FKJGP Thadlaskeiñ Block Bah M. Pyrtuh ha ryngkat ki dkhot ka KSU Jowai Unit.
ïa ki saw ngut ki bar jylla la pynphai noh ïa ki sha ka jaka ba ki wan.
Ha kajuh ka por, kine ki ar seng ki la maham ruh ba kim dei ban wan shuh shapoh ka Bri u Hynñiewtrep khlem ki kot ki sla ba biang, la pyntip u kyrwoh na u Publicity Secretary ka KSU Jowai Circle u Daohipaia Langstang.
