Nongpoh, Nohprah 28 : Kawei ka jaka lum thup ïa u skum kba naka bynta ban ai masi, haka shnong 11 mer, Ri-Bhoi District kala ingkhong khaid hadien ba ka ding kala bam duh ïa u skum kba haduh ban da kylla dpei kaba la wanrah ka jingduhnong kaba khraw ïa u trai.
Katkum ka jingtip bala ioh lum la ong ba katei ka jingjia kala jia hynnin ka miet ha kaba katei ka jaka lum skum kba kala kem ding kynsan bala buh hajan ka iing jong u Mahesh Devkota, bad naka liang ki paidbah kiba iohi ïa katei ka jingjia kila pyntip mar mar sha ka tnad pynlip ding ha kaba da ki phew tylli ki kali pynlip ding kila ieng lain ban pynlip ïaka ding ha katei ka jaka, hynrei namar ka jingkhlaiñ jong ki thylliew ding kiba la klang ha katei ka jaka kila bam duh lut ïa u skum kba bad donbok ba ha katei ka jingjia ym shym don kano kano ka jingjia ba sngewsih.
Shuh shuh u trai jong utei u skum kba u la pyntip ba ka jingduhnong kala long palat 2 lakh tyngka, bad ki pulit ki dang pynlong ka jingtohkit ban lap ïaka daw tynrai jong katei ka jingjia.
