31 tarik khot jingïalang ka Seiñ Pynroi-Pynbha, Amlarem halor ka Sub-Divisional Hospital

0

Jowai: Nohprah 28: Ka Seiñ Pynroi-Pynbha, Amlarem ha ka kyrwoh ba la phah da ki nongïalam ka seng la pyntip ba kin sa pynlong ïa ka jingïalang paidbah ha ka 31 tarik u Nohprah 2022 ha Syiem Jingsuk Amlarem West Jaiñtia Hills District.
La ïathuh da u ma Junior Lami uba dei u Assistant Secretary ka seng ka jingpynlong ïa kane ka jingïalang ka long halor ka jingwan buh mawnongrim ïa ka Sub-Divisional Hospital ba 50 jingthiah ha ka shnong Jariañ da u MLA ka thaiñ u ma Lahkmen Rymbui kaba la long ha ka 20 tarik u Nohprah 2022.
Na ka liang ka seng kala dep ban dawa ïa kane naduh u snem 2018 ban don ha Amlarem hynrei kaba sngewsih ka long dang ha kine ki kyndiat sngi la plie maw nongrim pynban ïa ka ha shnong Jaraiñ da kaba pynkiew kyrdan ïa ka PHC sha katei ka Sub-Divisional Hospital.
Halor kane la khot bad wer sngewbha ïa baroh ki nongshong shnong ka thaiñ War Jaiñtia naduh ki longkmie, ki riew rangbah kynthup ïa ki riew donburom, ki Waheh Shnong bad kumjuh ki khun samla ba kin wan sha kane ka jingïalang khnang ban ïoh ban ïa phylliew jingmut lang, la kumno kumno kat ka kyrdan Sub-Divisional Hospital dei ban buh beit ha Amlarem kaba dei ka Headquarter, pynkut katei ka kyrwoh.

Leave A Reply

Your email address will not be published.