Shillong, Nailar, 27: U Assistant General Secretary ka Hynñiewtrep National Youth Front (HNYF) u Bah Edward Thangkhiew ha ka sngi Saitjaiñ u la phah ïa ka shithi iehnoh kam sha u President jong ka HNYF, Central Body Bah Sadon Blah naduh mynta ka sngi na ki daw shimet bym lah satia ban kiar.
“Ngam don eiei ban pyrshah ne kano kano ka jingïapher jingmut ïano ïano ruh hynrei tang ka jing khublei bad kitbok kitrwiang ïa phi bad ka seng jong ngi ka HNYF ba phin nanglah ban ai ka jingshakri kaba khambha ïa ka Bri u Hynñiew trep baieid jong ngi bad lada don kano kano ka jingïarap nga kloi ban ai ka kti kamon ka kti kadiang ha kaba ïadei bad ka seng,” ong u Bah Thangkhiew.
