Jowai, Naitung 31: Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka sngi Hat Majai ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka hapdeng ka Dulong pyrshah ïa ka NSA, ka kynhun ïalehkai jong ka Dulong kala pynjemkhnap ïa ka NSA da kaba pynbam haduh 6-0 kol.
ïa kine ki kol na ka bynta ka Dulong la thep da u Sahame Lyngdoh ha ka minit ba 22, nangta u Yobhalangki Ryngkhlem ha ka minit ba 29, bud sa ka kol na u Lovingstar Suting ha ka minit ba 31, u Kynsai kupar Bareh ha ka minit ba 47, u Da o chwa Shylla ha ka minit ba 51 bad u Janial Rasmut ha ka minit ba 54.
Katba ha ka jingïakhun kaba ar kila poi noh sha ka jingïakhaid da mar 1-1 kol kaba la long hapdeng ka Lion SC pyrshah ka Tpep-Pale, ïa ka kol na ka Lion SC la thep da u Niawki Phawa haka minit ba 59. Na ka liang ka Tpeppale la thep da u D. Dkhar haka minit ba 40.
