ïashimbynta shitrhem ki nongïakop mareh ha ka Shillong Run- 10K, 2023 ba la pynlong da ka SELDD
Shillong, Nailar 13: Ka Social and Economic Life Development Department (SELDD) jong ka Khasi Jaintia Presbyterian Synod Sepngi lyngba ka Agency for Sustainable Development Initiative (AfSDI) ka la ïoh ban pynlong ïa ka ‘Shillong Run- 10K, 2023’ hynnin ka Sngi Saitjaiñ kaba la sdang naduh ka por 5:30 mynstep.
Ha kane ka sngi pynlong ïa kane ka jingïakop mareh ba 10k la ïadonryngkatlang bad i Kong Bridget Warshong, i ba dei i Deputy Commisioner for Persons with Disabilities jong ka jylla kum i Special Guest, na ka bynta kane ka prokram.
La kaweh ïa ka lama ban sdang ïa ka jingïakop mareh da u Bah Adelbert Nongrum, MLA jong ka Shillong North.
ïa ka jingsam khusnam sha ki nongjop ha ki kyrdan bapher bapher la pyndep ha ka por 8 baje mynstep, bad ki la don ki prokram pyn byrñia da ki jingrwai na ki khynnah jong ka Rev. Amirkha School for Disable, ka Mairang Vidhyajyoti Inclusive School, Kids Tarari , Jingïaseng Samla Nonglum, bad ka jingkren lyngkot na u Rev. W.P. Marbaniang (Moderator jong ka KJP Synod Sepngi), bad ruh na i Bah Adelbert Nongrum i ba dei i kongsan ha kane ka sngi.
ïa kane ka jingïakop mareh kaba 10k, la ïoh ban phiah haduh saw kyrdan katkum ka rta jong ki nongïashimbynta.
Haba phai sha ka kyrdan 18 haduh 35 snem, kiba la wan shakhmat napdeng ki kynthei ki long ka Gloryfy Kurbah, nangbud sa ka Sabina Rai bad ka Bandasharai Marweiñ, katba napdeng ki shynrang, kiba la wan kyrdan ba nyngkong, ba ar bad ba lai ki long u Daniel Lyngdoh Wahlang, u Emphios Nongrum bad u Nobelstar Ramsiej.
Ha ka thup jong kiba 35 haduh 45 snem, kiba la wan ha ki kyrdan ba hakhmat napdeng ki kynthei ki long, ka Aibistreslin, Deepti Guung bad ka Judensha Kharkongor, katba napdeng ki shynrang ki long u Jomsingstar Ramsiej, Tlangding Wahlang bad u N.P Singh.
Haba phai pat sha ka thup jong kiba la kot 45 haduh 55 snem, kiba la wan kyrdan ba hakhmat napdeng ki kynthei ki long, i Kong Smarless Mawweiñ, nangta i Kong Snora Lyngkhoi bad i Kong Sterina Jasaiñ. Katba napdeng ki shynrang kiba la wan kyrdan ba shakhmat ki long u Badon Singh Tham, u Lauren Parïong bad u Pynshngaiñlang Dkhar.
Na ka thup jong kiba la kot ïa ka 55 snem shaneng, napdeng ki kynthei ki don tang ar ngut, kata i Kong Kmoin Wahlang bad i Kong Trissina Wanniang. Katba napdeng ki shynrang kiba la wan shakhmat ki long u Krishna Tamang, u Pwondeng Mawlong bad u Kedrick Kharpor.