Shillong, Risaw 24 : Ka Sohkha Shnong Everlasting Sports Club (SSESC) ha ka sngi Nyngkong 24-10-2022) ka la pynlong ïa ka Charitable Football Friendly Match hapdeng ka kynhun jong ka MSA Team, Shillong hapoh ka jingïalam u BahDP Wahang uba dei u Chief Secretary jong ka sorkar jylla bad ka Sohkha Shnong Everlasting Sports Club, bad kane ka jingïaleh kai ka long kaba ïaiakhaid da kaba thep mar 2 kol.
Ha shwa kane ka jingïalehkai Charitable Football Friendly la ïoh ban pynlong ïa ka jingïalang ba lyngkot ha kaba u Bah Kitbok Khongah iwei na ki dkhot jong ka EC jong ka Sohkha Shnong Everlasting Sports Club u la pynïaid ïa ka jingïalang.
Bad ha kane ka sngi la ïoh ruh ban pynkup burom ïa u Bah DP Wahlang na ka liang jong ka Sohkha Shnong Everlasting Sports Club bad kumjuh ruh na ka liang ka Sohkha Shnong Village Durbar.
U Bah DP Wahlang haba ai jingkren u la jingkyntu kynpham ïa ka Sports Club ba kan don ka jingïatylli bad ka jingtrei shitom ban wanrah ïa ka burom ïa ka Sports Club bad ka burom ha ka imlang ka sahlang
Ka jingpynlong ïa kane ka Charitable Football Friendly Match ka long shi bynta ban pynmih pisa ïa ka Sohkha Shnong Everlasting Sports Club.
