Shillong, Naitung 14: Ha ka jan miet jong ka Sngi Saitjaiñ shi kynhun ki hati khlaw kila tur sha ka shnong Jolgaongre kaba hap ha ka South West Garo Hills District bad ha kane ka jingwan tur ki hati klaw u Rikrak S Sangma 26 snem u khun jong u Meckenson Ch. Marak ula khlad noh na ka jingshah kyrdem ha u hati.
Kane ka jingshah pyniap jong utei u samla ha ki hati khlaw ka la jia ha ka por ba ki nongshong shnong kila ïaleh ban beh ïa kine ki hati khlaw kiba la wan pynjulor ïa ki jingthung jingtep hapoh ka shnong.
Mar ïa ïoh ïa kane ka jingtip ki bor sorkar na ka District kila leit bran bran sha katei ka jaka ba don kane ka jingwan tur jong ki hati khlaw, na ka liang jong ki bor jong ka District kila lap ïa kane ka met kaba la khlad ha ka jingshah tap ha ki siej kiba la khyllem.
Haba ïathuh ha ki bor jong ka District Administration ba kila ïathuh ba une uba shah kyrdem ha ki hati u la ïa khun tyngeh ban beh ïa ki hati ban ym ïoh rung sha ki jaka rep hynrei ka la jia noh kane ka jingjia kaba sngewsih.
Kane ka jingjia la ka jia ha pdeng 7.00 bad 7.30 baje mynniet jong ka Sngi Saitjaiñ ha kaba ki hati khlaw kila wan ban bam sha ki jaka rep jong ki ha shnong, bad la pyrshang ban beh ïa ki ban ïada ïa mar rep bad ha kane ka jingleh u wei na ki hati la sympat da u Luta ïa u tei u briew bad khlad ha shen.
