Nongpoh, Nailar 28: Hadien bala dep ban pynlait paidbah ïaka thup kyrteng ki nongthep vote bad la ailad ruh ïaki paidbah ban pynbeit (Claims and Objections) ïaka jingïaid shakhmat jong ka Special Intensive Revision (SIR) jong ka Electoral Rolls, 2026, ka jingpynbeit ryntih mynta ka dang ïaid shakhmat ha baroh san tylli Assembly Constituencies ha Ri Bhoi District.
Naduh ba la pynmih paidbah ïa ka Draft Electoral Roll, ki paidbah kiba dei ki nongthep vote na kylleng ka District ki la shim bynta shitrhem ha kane ka kam da kaba leit sha ki Polling Stations bad ïakynduh ïa ki Booth Level Officers (BLOs) ban peit bñiah ïa ki kyrteng bad ki jingtip shaphang jong ki hapoh ka Draft Electoral Roll bad naka liang ki paidbah ki la mih shakhmat ruh ban pynpaw ïaki jingbakla bad ban pynbeit, ban pynkhreh ïa ka Electoral Roll kaba biang pura.
Ki Electoral Registration Officers (EROs), Assistant Electoral Registration Officers (AEROs), BLO Supervisors bad ki BLOs ki dang trei shitom ban pdiang bad ban bishar ïa ki jingpynbeit, bad ban ïarap ruh ïaki paidbah kumno ba ki dei ban leh bad ki kot ki sla ba donkam bad la kyrpad ruh ïaki paidbah ban pynbeit ïaki kyrteng jong ki haka electoral roll katba lah kloi bad haka por bala buh.
Ki paidbah kiba donkam jingïarap ki lah ban phone ha ka SIR Help Desk ha u nombar 9863985792.
