Jowai, Nailar 13: Ka Parish Pastoral Council, Immaculate Conception Church Mowkyndeng Parish, mynta ka sngi saitjainñ, hapoh ka jingïalam u Phadar Henry Warbah kum u Parish Priest bad u ma Stalbinus Dkhar u Secretary ka PPC kila pynlong ïa ka jingïaid Rally kaba jai jai kum ka dak ban pynpaw ïa ka jingsngewlem bad sngew synei ïa ka jingjia hapoh ka jylla Manipur.
Ha kane ka sngi la ïashim bynta da ki paid riewngeit ka Parish Mowkyndeng bad la sdang na pohshnong jong ka shnong Madakynsaw Mowkyndeng hakhmat ka dur mot Maria ba la ai nam kum ka Nongïada ïa ka Parish bad ïa ka shnong Madankynsaw Mowkyndeng hapoh ka jingïalam u Babu Nicodimus Suchiang u Head Catechist ka Parish da ka jingduwai sdang bud da ka jingkren u Waheh Chnong ka shnong Madankynsaw Mowkyndeng ma Danny Bosco Shadap.
Nangne la bteng da ka jingïaid Rally kaba jai jai sha Parish Compound ha ryngkat ka back ground Music ban bteng da ki jingduwai na ka bynta ki jingthmu bapher bapher ha ka jingïadei bad ka jingsuk jong ka jylla Manipur.
Katba ha phyllaw jong ka Parish la sdang da ka jingduwai bad jingrwai ha u Mynsiem Bakhuid ba la ïalam da u Head Catechist bad u Babu Ïoanis Shylla u Choir Master ka Parish, bud da ka jingpule ïa ka ktien u Blei da u bah Rangdapkupar Peter Khongthah ba la ai jingkren halor ka jingsuk bad la bteng da ki jingduwai na ka bynta ki jingthmu bapher bapher.
La ïoh ïa ka jingduwai na ka kong Fatima Shadap na ka bynta ka Sorkar Manipur, ka jingduwai na u Jonatus Suchiang na ka bynta ka sorkar India, jingduwai ka kong Pdiangjingshai-hun Dkhar na ka bynta ki khynthei khynnah ka jylla Manipur kiba shah ban beiñ shah leh be-ijot, u Karmel Sayoo halor ki phetwir ki bymdon ïing don sem kiba la duh ïa la ki kmie ki kpa, ki khun ki baieid na ka daw ka jingïakynad, Jemma Phyllei FMA na ka bynta jylla Meghalaya, District, Elaka bad Parish Mookyndeng.
La ïoh ruh ïa ki jingduwai na u ma Stalbinus Dkhar na ka bynta baroh ki mynsiem kiba la khlad bad ka jingduwai bad jingkyrkhu da u FatherHenry Warbah Parish Priest.
Hadien kane la don ruh ka jingsynñiang ne ka donation sha ka jylla Manipur bad ïa ki kyntien ai khublei la ioh na u ma Stalbinus Dkhar.
