Shillong, Rymphang 17: Ka Shillong Lajong kan pyndep ïa ka jingïakhun shabar nala ïing kaba la pynkynriah noh ha SSA Stadium, Shillong, pyrshah ïa ka Neroca FC ha ka lympung I-League ka ban long mynta ka sngi ha ka por 2 baje nohphaisngi.
Haba kren shuwa kane ka jingïakhun, na ka liang jong u Bah Bobby L. Nongbet u la pynpaw ba hadien ba rem ar sien lynter, u khmihlynti ban khur ïa ka namjop, hynrei u la pynkynmaw ruh ba ka Neroca ka dei ka kynhun kaba tbit, bad kane ka jingïakhun kan long kaba jwat ïa ka kynhun hynrei u kyrmen ba Lajong kan khur ïa baroh 3 point.
Na ka liang jong ka Neroca ka shong ha ka kyrdan ba 12 da 7 point naki 2 jop, shi sien ïakhaid, bad rem 9.
