Shillong, Nohprah 05: Ka Shillong Lajong FC ka la mad ïa ka jingïakhaid kaba ar ha ka lympung I-Leaguen hadien ka jingïalehkai kaba la kut khlem don ba pynkhih pyrshah ïa ka Inter Kashi ha ka jingïakhun kaba lai jong ka mynta ka samoi, kaba la long hala ïing, ha SSA Stadium, Polo ha ka janmiet sngi Palei.
Na bynta ka Lajong kane ka jingïakhaid ka la pynlong ïa ka ban kamai 2 point hadien 3 tylli ki jingïalehkai, katba na ka liang jong ka Inter Kashi, ka la long ka jingmyntoi kaba khraw ïa ka namar ka la ïoh ban jam hakhliehduh ka miej ïakheiñ point bad ban bteng ïa ka lynti khlem shah rem na ki 3 sien ïalehkai mynta ka samoi ha ka I-League.
Ka Inter Kashi ka la ïoh mynta7 point (2 sien jop bad ïakhaid shi sien), katba ka Lajong ha ka kyrdan ba 9 bad kam pat shym la ïoh ban mad ïa ka jingjop watla ka la ïalehkai lai sien lynter ki jingïakhun hala ïing.
