Jowai, K’Lyngkot 10: Na ka bynta ka jingpynlong ïa ka Meghalaya Games 2025 ha Jowai bad ban lait na kino kino ki jingthut ha ka leit ka wan jong kiba bun balang, u Deputy Commissioner jong ka West Jaiñtia Hills ula hukum ïa baroh ki nongdie madan ha ki lynti ïaid kjat ban ki dei ban kynriah noh mardor naduh ka 13 tarik mynta u bnai.Ïa kane ka hukum la pynmih hadien ka jingïoh ujor jong ki nongshong shnong kiba ïaid lynti na ka daw ka jingthut palat ha ka leit ka wan na ka jingdon jong kiba die madan harud surok bad bunsien kala wanrah ïa ka jingjia aksiden ba khah khah ha ki bynta ka surok.
