Sohra, Nailar 14: Ki paidbah mynta ka miet ha ka por 8:19 eiei, ki la her syrngiew lut bad don ruh kiba la phet shabar na ïing na ka daw ka jingkhynñiuh u jumai uba ha ka jingthew jong ka Richter Scale u la poi 5.4.
Ki khubor na ka National Centre for Seismology, ki ïathuh ba ka jaka ba sdang une u jumai ne ka epi centre kadei ha ka bynta ba kumba 49 KM shaphang shathie mihngi jong ka Sohra ha ka jingjylliew kaba 16 Km. La ïathuh ba kane ka jingkhih u jumai ka la pynkhih ruh ïa ki ïing ki sem ha baroh kawei ka jylla Meghalaya bad kiwei kiwei de ki bynta jong ka thaiñ shatei lammihngi jong ka ri India bad kumjuhr ruh ha Bangladesh.
Ym shym la ïoh khubor ba kan don kano kano ka jingjulor na kane ka jingkhynñiuh u jumai.
