Thaiñthynroh, ‘Nailar 22: Ka Lamlynti Village Organisation, Thaiñthynroh kaba kdup ïa ki 15 tylli ki Self Help
Groups (SHGs) hapoh jong ka, ka la rakhe ïa ka jingdap shi snem jong ka ha ka 22 tarik u ‘Nailar,2022.
La pynshngaiñ ïa ka jingrakhe da ka jingdon ryngkat u bah Eugeneson Lyngdoh, MLA ka thaiñ, bah Lamphrang
Blah, MDC ka thaiñ uba long ruh u Chairman ka KHADC, u bah Staising Kharbteng uwei na ki ‘riew rangbah ka thaiñ, bah Banraplang Kharbteng, Rangbah Shnong bad ki nongshong shnong.
La pynshit rhem ïa ka jingrakhe da ka jingïashimbynta ki longkmie jong ki Self Help Groups da ki skit, ki jingshad,
ïakob riam bad kiwei kiwei ki jingpynbyrngia. Na ka liang ki nongkren kiba kynthup ïa kitei ki ‘riew rangbah ki la pynpaw ba ka jingdon ki Self Help Groups bad ka Village Organisation kum ka kmie ka long ka jingmyntoi
ïa ki longkmie ban kyntiew ïa ka kamai kajih jong ki, da kaba kyntu ruh ïa ki ba kin don ka jingïatreilang ha baroh ki liang.
Ki nongïalam ka V.O. ba kynthup ïa i kong Ribhalang Wahlang, President bad i kong Bandaris Sawkmie ki la batai
ïa ka jingsdang treikam ka seng bad ïa ka thong jong ki. La pynïaid ïa ka jingïalang da u bah Banjop Kharryngki,
Secretary ka Shnong Thaiñthynroh. Nongstoiñ, Nailar 22: U jait dohkha ba ju khot u triang ba la wanrah da uwei u nongdie dohkha ba na ki thaiñ Sangriang, u shong dor haduh shihajar phra spah tyngka. Utei u dohkha u ba jrong kumba ar phut shiteng bad haba shu antad u khia kumba ar kilo tam. U nongdie їa utei u dohkha, u la їathuh ba
їa utei u jait dohkha ym lah ban їoh lada shu tong, hynrei hap ban pyndonnkam da u khwai da kaba suh da ki kynja jakoid ne doh masi.
U la ong ruh ba їa ka doh masi ruh hap ban buh shuwa haduh ba kan da sma iwtung malu mala, sa suh ha u khwai
bad pynngam sha ki thwei ba long kroh maw. Nalor kata u la ong ba utei u jait dohkha um, u la sdang ban duh jait noh na ki wah ha kane ka jylla jong ngi hynrei u don tang teng khat eh