Haduh 172 kiba wan ïashim bynta haka ‘Half Marathon’ ka WJDSA

0

Jowai, Risaw 02 : Ka West Jaiñtia District Sports Association (WJDSA) shi bynta na ka jingrakhe dap 50 snem ne ka Julilee ksiar, mynta ka sngi 1 tarik u Risaw kala pynlong ïa ka jingïakop mareh Marathon kaba la ai kyrteng ka ‘Half marathon’ ha ka kyrdan jong ki shynrang bad kynthei kiba la kynjoh 16 snem shaneng.
Ïa kane ka Marathon la sdang ha ka por mynstep naduh ka shnong Shken Pyrsit bad pynkut ha madan kiang Nangbah Stadium Jowai. Ha kaba ka kong B. Blah, MCS Additional Deputy Commissioner kala long kum ka kongsan ha ryngkat ka jingdonlang u District Sports Officer ma K. Passah, ki nongkit kam ka WJDSA ki nongïashim bynta nalor kiwei kiwei de.
Ha ka liang ki shynrang la jop da u Wolbetstar Ramsiej na Mawkyrwat baa r u Ishwor Nepali na Shillong bad ba lai u Hari Bhakta Chetry bad ki consolation ki don 7 ngut. Katba ha ka liang ki kynthei ba wan nyngkong da ka Kyntimon Marweiñ na Mawkyrwat, ba ar ka Shyamali Sing na West Bengal bad ba lai ka Phyrnai Kyndait na East Jaiñtia Hills lem bad ki 7 ngut ki Consolation.
Ïa ki khusnam la sam da ka kongsang ha ryngkat ki nongpynïaid ka WJDSA ka khusnam sha ki nongjop ka long 30 hajar kiba ïoh nyngkong, ba ar 20 hajar tyngka bad balai 10 hajar tyngka.
Baroh ki nongwan ïa shim bynta ha kane ka jingïakop Marathon kila wan poi haduh 172 ngut, ki shynrang ki don 140 ngut katba ki kynthei ki dong 32 ngut.

Leave A Reply

Your email address will not be published.