Hadien 3 bnai lait jamin u nongïalam ka KSU ba shah kem halor ka jingiap ki 2 ngut ki bar jylla

Shillong, Nailar 9 : Hadien lai bnai tam ka jingshah kem U nongïalam ka Khasi Student Union KSU, uba bat kum Finance Secretary jong ka Centre Executive Council u samla Osternic Marbañiang halor ka suba donkti ha ka jingshah pyniap ïa ki 2 ngut ki bar Jylla ha ka thaiñ Ichamati, mynta ka janmiet sngi Thohdieng jong ka 9 tarik Nailar u la lait jamin noh na phathok jong ka Shillong District Jail hadien ba la kem ïa u ha ka 27 tarik Iaiong 2024 na ka ïing sah jong u na Jaiaw.
Ïa u Samla Osternic la wan ban shaw na phatok da ki nongïalam ka KSU ba kynthup u President u Bah Lambokstarwell Marngar, u Vice President u Bah Biangbor Paliar, ryngkat kiwei pat kj nongïalam bad ki dkhot ka seng.
Ha kane ka sngi la pynkup da ka ryndia bad ka jingpyrta slogan kum ka dak ka jingpdiang burom ïa une u nongïalam ka seng.