Shillong, 9 Nailar 2024: Ka Meghalaya Youth Tourism Development Society bad Miss Meghalaya Organisation ki sngew sarong ban pynbna ba ka Irene Dkhar, kaba dei ka samla kaba la jop teng ïa ka Miss Northeast, Miss Meghalaya, bad Femina Miss India Meghalaya, ryngkat bad Dr. Tanvi Marak, kaba long ruh kawei ka samla kaba la jop teng ïa ka Miss Meghalaya, Miss Sunsilk Northeast, bad Femina Miss India Meghalaya, kin ïashimbynta ha kawei na ki jingïakob thei bhabriew jong ka ri, ka Miss Grand India 2024.
Ka Miss Grand India, kaba la pynlong da ka Glamanand Entertainment Pvt. Ltd., ka dei kawei na ki laitylli ki pageants baheh duh ha ri India. Ka Grand finale kan long ha ka 11 tarik mynta u bnai ha Zee Studio, Jaipur, Rajasthan, ha kaba kine ki arngut ki samla na Meghalaya kin ïa aireng ban ïohrah ïa ka pangsngiat jong ka Miss Grand India 2024.
Ka Meghalaya Youth Tourism Development Society bad Miss Meghalaya Organisation ki pynpaw ïa ka jingkyrmen bad ai khublei kyrpang ïa kine nongmihkhmat jong ka jylla, ka Irene Dkhar bad Dr. Tanvi Marak. Kine ki arngut ki samla ki don jingkyrmen ba kin wanrah burom ïa ka jylla, bad kin ïohlad ruh ban mihkhmat ïa ka ri India ha ka rynsan jong ka pyrthei.
Haba la jan ka sngi ïakob, ka jylla baroh kawei ka ai mynsiem bad kyrshan ïa ka Irene bad Tanvi, ban kitbok kitrwiang ha kane ka ïakob Miss Grand India 2024.
