Shillong, Naitung 18: U Myntri ka tnat ki kam Jngohkai ka jylla u Bah Paul Lyngdoh ha ka sngi Palei u la ong ba ka sorkar ka kwah ban pynthikna ba dei ban shna noh ïa ka ropeway project kaba bha tam ha Meghalaya.
Haba kren sha ki lad pathai khubor u Bah Lyngdoh u la ong, “Ngi la don ha ka bynta kaba khatduh ban ai ïa ka corrigendum kaba thymmai hynrei naba ka aïom treikam hangne ka sdang hadien ka lyiur. La kumno kumno ha u bnai Risaw yn sa lah ban ïohi ba la sdang ban pyntrei ïa kane ka project.”
U la ong ba ka jingplie ïa kane ka project lah dep da ka President ka ri India bad ki kam ki dei ban sdang noh ha u bnai Risaw.
