Shillong Naitung : Ka Meghalaya Youth Tourism Development Society (MYTDS), ka la pynbna ba kan pynlong ïa ka jingïakob thei bhabriew kaba la tip kum ka Miss Meghalaya bad Miss Teen Meghalaya 2023 ha ka 09 tarik u Nailur 2023 ha Soso Tham Auditorium, Shillong.
Ki nongïalam jong kane ka kynhun haba ïa kren bad ki nongpathai khubor, ki la ong ba ka MYTDS kadei kaba trei naka bynta ban kyntiew ïa ki samla jong ka jylla ha ki kam jngohkai pyrthei, hynrei mynta ka kynti, kala phaikhmat biang ban kyntiew ïa ki thei samla da kaba pynshlur ïa ki ba kin kiew ha ki rynsan ïakob thei bhabriew bad ban pyni ruh ïa ka sap ka phong jongki bad ïa ka jingproh jabieng.
Ki la ïathuh ba na ka bynta katei ka jingïakob, yn pynlong ïa ka Audition haka 12 tarik u Nailar 2023 bad hadien ba la dep jied ïa ki thei bhabriew, yn sa ai jinghikai bad jingpyntbit ïa ki naduh ka 12 tarik ha Youth Hostel, Shillong bad ïa katei ka jingïakob ban ïoh deng ïa ka pansngiat yn pynlong ha ka 9 tarik u Nailur bad ha kane ka sngi kan don ruh ka Fashion Show na ka Butterfly Clothes and Accessories bad ki nongjop kin ïoh pdiang ïa ka pisa kaba 2.80 lak tyngka.
Ki nongjop ha ka Miss Meghalaya bad Miss Teen Meghalaya kin ïoh ban mihkhmat ïa ka jylla ha ki jingïakob thei bhabriew ki ban long ha ka Thaiñ bad ha ka Ri.
Kane ka rynsan kan long ruh kum ka jingplie lad ïa ki samla kynthei kiba don jingthmu ha kaban rung ha ka kam model, ban k ne kren paidbah bad lyngba kane ka rynsan yn ai jinghikai ïa ki ban pule, ban kyntiew bad ban pyntbit ïa ka sap ka phong jong ki ha kajingpynkhreh na ka bynta ka lawei ka jongki hi.
