Shillong, Ïaïong 24: U Symbud Myntri Rangbah ka jylla u ba khmih ïa ka tnat ki Kam Pynroi Sor u Bah Sniawbhalang Dhar ha ka sngi Palei u la pyntip ba ïa ka market complex kaba ha Polo yn lah ban plie noh ha u bnai Jylliew mynta u snem. Haba kren sha ki lad pathai khubor u Bah Dhar u la ong ba kane ka project ka lah jan dep artat.
“Sa tang kumba 2 per cent kaba dang sah kaba dei ban pyndep ki jingtrei bad mynta ngi dang don ha lynti ban tyrwa ïa ka expression of interest (EOI). Hynrei ngi dang hap ban pyndep pura ruh ïa kane,” u la ïathuh.U Bah Dhar ha kawei pat ka liang u la ïathuh ba ym shym don mano mano ruh kiba la shim bynta ha ka EOI ba la tyrwa da ka Smart City ha ki bnai ba la dep. “Imat ba ngi la buh ïa ka dor kaba heh than bad kumta ngi hap ban pyrkhat biang ïa kane,” u la bynrap.
