Nongstoiñ, Nohprah 04: Kum shi bynta jong ka Azadi Ka Amrit Mahotsav, ka District Disaster Management Authority (DDMA), Nongstoiñ ryngkat ka jingïatreilang bad ka Civil Defense bad Home Guard, West Khasi Hills, ki la pynlong ïa ka jinghikai bad ka mock drill kaba ar sngi ha kaba ïa dei bad ka jingpyndonkam ïa ka OBM (Outboard Motor 2018)) ki lieng kiba don motor. Ïa kane ka jingïalang la pynlong ha Dewlynnong Nongkhnum, naduh ka 3 tarik haduh ka 4 tarik u bnai December 2024.
Ka prokram ka la hikai ïa ki nongtrei mon sngewbha jong ka Aapda Mitra, ki nongpynïaid ïa ki nongjngohkai pyrthei, ki seng, bad ki nongshong shnong jong ka shnong Nongkhnum, Diengsyiang, Dilingim, ha ki kam pynlait im ha ka um, ka jingpynïaid kaba shngaiñ ïa ki lieng OBM, bad ki buit ban ïarap kyrkieh.
Kane ka jingïalang ka thmu ban pynkhlaiñ ïa ka jingpynkhreh bad jinglah ban ïakhun jong ki paidbah lada jïa ba wan lyngshop kino kino ki bor mariang kiba ïadei bad ka um. Ka DDMA ka ai khublei ïa baroh ki nongshim bynta bad ki nongïatreilang kiba la pynlong ïa kane ka prokram kaba jop.
