Ha Kynshi Mawria pynshai u BDO Mawthadraishan halor ki skhim

0

Kynshi, Risaw, 23: Ka ophis u BDO Mawthadraishan C&RD Block ha ka 21 tarik mynta u bnai, ka la pynlong ïa ka ‘Special Convergence Camp for Awareness and Enrollment for Various Scheme’, lane ka jingpynshai bad pynsngewthuh paidbah ïa ka jingtreikam jong ki skhim bapher bapher ha Shnong Kynshi Mawria, Eastern West Khasi Hills District.
Ha kane ka prokram ki ophisar na Block kiba dei peit ïa ka MNREGS, nangta na ka ophis ICDS Mawthadraishan, na ka NRLM ki la pynshai halor ki skhim kiba treikam lyngba ka C&RD Block.
Ha kane ka jingïalang pynshai bad pynsngewthuh ba la pynïaid da u Sordar ka Shnong Kynshi Mawria, u Bah P. Sohkhlet, la ïoh ruh ka jingpynshai halor ka jingrejistar ïa ki nongbylla sngi lyngba kata ka e-shram, kaba long ka jingpynrung kyrteng ïa ki nongbylla ba kin ïoh ïa ki jingïarap bapher bapher na ka sorkar, da u Labour Inspector.
La ïoh jingpynshai ruh na I ophisar jong ka tnad Food and Civil Supply jong ka DC ophis Eastern West Khasi Hills District, I ba la batai pynshai halor ka jingtreikam jong kane ka tnad sam marbam, khamtam eh ka jingdonkam ban pynïasnoh ïa ki Card Ration bad u Aadhaar Number.
Ki nongtrei na ka tnad Agriculture ki la pynshai halor ka PM Kissan Skhim ne ka jingïarap pisa ka sorkar na ka bynta ki nongrep hapoh ka Skhim Kissan, da kaba pynshai ba ka sorkar ka la pynkylla ïa ki kyndon ba kiba lah ban ïoh ïa kane ka skhim kidei tang kito kiba don jaka rep la ka jong.
Nangta ki la batai ruh ïa ka jingdonkam ban don u Farmers ID lane u number ne ID Card jong ki nongrep. Hadien kane, ka la don ruh ka jingpynrung kyrteng Aadhaar na ka bynta kito ki nongshong shnong bym don Aadhaar Card kiba don hapoh ka thaiñ.

Leave A Reply

Your email address will not be published.