Shillong, Risaw 10 : Ki 27 ngut ki nong Meghalaya kynthup ïa u MP Rajya Sabha, Dr. WR Kharlukhi kin sa poi noh sha ka jylla ha kine ki khyndiat sngi, ong u Symbud Myntri Rangbah ka jylla, Bah Sniawbhalang Dhar ha ka sngi Ba-ar.
“Dang mynshisngi, ki la dep ban kam lyngba ka khappud ba jur ka thma hapdeng ka Israel bad Palestine. Hynrei baroh ki don ha ka jingshngaiñ,” u la ong.
Shuh shuh u la pyntip ba u Myntri Rangbah ka jylla u la shimkhïa ïa kane ka bynta bad ka sorkar India. “Katkum ka jingong jong u, ki la dep ban kam ïa ka khappud bad mynta kam don jingma shuh ïa ki ban wan phai suk sha la ka jylla ha kine ki khyndiat sngi ban wan,” u la ïathuh shuh shuh.
