Ha ka jingpynkylla kaba heh, pynbna ka Sorkar ban pynïar ïa ka ïew G-Sec bad ban pynsuk ïa ka FPI

Ha ka jingïadei bad ka jingangnud jong ka Sorkar ban pynkhlaiñ ïa ka kyrdan jong ka India kum ka jaka bei tyngka ba kongsan ha ka pyrthei bad ban pynïar ïa ka ïew pisa, ka Tnad Kam Pla Tyngka ka la shim ïa ki sienjam kiba thmu ban kyntiew ïa ka jingsuk ban bei tyngka na ka bynta ki briew Persons Resident Outside India (PROI) bad ki Foreign Portfolio Investor (FPI), bad ban khring ka jingwan ka pisa nabar ri.
Da kaba tei halor ki sienjam ba dang shen ban kyntiew ïa ka jingsuk ban leh ïa ki kam ha ki ïew pisa, ka Sorkar ka la shim ïa ki jingpynkylla shuh shuh ban pynlong ïa ka jingbei tyngka nabar ri ha ki equity bad ki G-Secs kaba kham suk ban ïoh, kaba kham sted, bad kaba lah ban ïakhun ha ka pyrthei.
Ka jingpyllait ïa ka jingbei tyngka da ki briew kiba sah shabar ka ri India hapoh ka Foreign Exchange Management (Non- Debt Instrument) Rules, 2019
Ka Myntri kam pla tyngka jong ka sorkar pdeng bad ki kam kompeni ka la pynbna ha ka mang tyngka jong ka sorkar pdeng FY2026-27 ba yn shah ïa ki briew kiba sah shabar jong ka ri India (PROI) ban bei tyngka ha ki equity jong ki kompeni jong ka India lyngba ka Portfolio Investment Scheme kaba haduh mynta ka long kaba lah ban ïoh tang da ki NRI/CIO; bad yn kyntiew ïa u pud jong ka jingbei tyngka na ka bynta ki PROI shimet hapoh kane ka skhim na ka 5% sha ka 10% ha kano kano ka kompeni, ryngkat bad u pud bei tyngka na ka bynta baroh ki PROI shimet sha ka 24%, na ka 10% kaba mynta.
Ban pyntreikam ïa kane, ka Tnad Economic Affairs (DEA) ka dang pynbna ïa ka Foreign Exchange Management (Non-Debt Instruments) (Third Amendment) Rules, 2026.
Kane ka jingpynbna kan pynsuk ïa ka jingpyndonkam kaba kham stet ïa ka pisa nabar ri da kaba pyndonkam ïa ki rukom ïashim bynta kiba la don lypa na ka bynta ki nongbei tyngka NRI/OCI. Ka jingpynsuk ïa ka jingïashim bynta bad ka jingpynduna ïa ki jingdonkam ban bud ryntih kan kyntiew shuh shuh ïa ka jingsuk ban sdang ïa ka kam, katba ka khring ïa ka nongrim kaba kham ïar jong ki nongbei tyngka shimet nabar ri kiba kham skhem. Kane kan kyrshan ruh ïa ka jingwan kham bun bad kham skhem ka pisa nabar ri sha ki ïew jong ka ri India.
Ka jingpeit bniah ïa ka rukom pynïaid ïa ka jingbei tyngka FPI ha ki security jong ka Sorkar
Da ka jingthmu ban kyntiew ïa ka jingïashim bynta jong ki FPI ha ka G-Sec, ka Sorkar ka la rai ban pynïar ïa ka thup jong ki security hapoh ka Fully Accessible Route (FAR) ban kynthup ruh ïa ki jingpynmih thymmai ha ki security jong ka Sorkar kiba 15, 30 bad 40 snem kumjuh ruh ki Sovereign Green Bonds (SGrB) ha ki por jong ki security FAR. Shuh shuh, ha kaba ïadei bad ki jingbei tyngka jong ka FPI hapoh ka General Route, la rai ban weng noh ïa ki lai tylli ki jingpyrkhing, kata. U pud jingbei tyngka kiba lyngkot samoi, ka concentration limit bad u pud katkum ki security na ka bynta ki jingbei tyngka da ki Foreign Portfolio Investor (FPI) ha ki security jong ka Sorkar, katba dang bat ïa u pud jong ka jingbei tyngka baroh kawei kaba long 6 percent na ka stock ba dang sah jong ki jingthew jong ka Sorkar Pdeng bad 2 percent jong ki State Government securities (SGS). Ki bynta ba rit jong ki pud jingbei tyngka, kata, ”general’ and ‘long-term’ ruh yn pynïasoh lang ha kawei ka pud na ka bynta ka jingbei tyngka ha ki security jong ka Sorkar bad ki SGS, kawei hadien kawei pat.
Kine ki sienjam kin ïarap ha kaba kyntiew ïa ka jingmih kaba ïaid beit, bad khring ïa ka jingwan rung kaba skhem kaba ryntih jong ka pisa bar ri kaba jrong samoi, kaba ïaishah, kynthup ïa ki nongbei tyngka kiba jrong samoi kum ki pisa penshon, ki kompeni insurance, bad ki sovereign wealth fund. La khmih lynti ruh ba kane kan kyntiew ïa ka jingwan ka pisa nabar ri na ka bynta ka ri.
Pyllait ïa ka sut bad ki jingmih na ka pisa ha ki G-Sec na ka khajna
Da kaba ithuh ïa ka jingdonkam jong ka rukom lum khajna kaba lah ban ïakhun ha kaba khring ïa ka pisa pyrthei, ka Sorkar ka la rai ban pynbeit ryntih ïa ka rukom kheiñ khajna kaba ïadei bad ki jingbei tyngka da ki FPI ha ki Security jong ka Sorkar, da kaba pyllait ïa kum kine ki jingbei tyngka na ka income tax halor kano kano ka sut ne ka jingïohnong. Kane ka sienjam kan pynïahap ïa ka jingsiew khajna ïa ki G-Sec bad kiwei kiwei ki jaka treikam ba ïasyriem.
Ka jingpyllait kan treikam naduh ka 01.04.2026, kata, ka jingpyllait kan treikam ïa kano kano ka sut lane ka jingïohnong kaba mih na ki FPI ha ka 01.04.2026 lane hadien ha kaba ïadei bad ki jingbei tyngka ha ki G-Secs.
Ka jingpyllait na ka income tax kaba kum kane la pynbiang ruh na ka bynta ki Bank for International Settlement (BIS) na ka bynta kano kano ka sut ne ka jingïohnong na ka jingbei tyngka jong ka ha ki G-Secs.
Kane kan pynthikna ïa ka jingwan rung kaba ryntih kaba skhem jong ka pisa bar ri kaba neh, kaba ïaishah bad ki nongbei tyngka kiba slem kum ki pisa penshon, ki kompeni insurance, bad ki Sovereign wealth fund (SWF).
Lada shimlang, kine ki jingpynkylla ki thmu ban pynduna ïa ki jingeh ha ka jingtreikam, ban pynsuk ïa ka jinglah ban ïoh ïa ki ïew, bad ban ai ïa ka jingshem kaba kham suk ha ka jingbei tyngka kaba lah ban ïanujor bad ki ïew pisa ba halor tam jong ka pyrthei. La khmih lynti ba kine ki sienjam kin pynïar ïa ka nongrim jong ki nongbei tyngka na ka bynta ki equity jong ka India bad ki Security jong ka Sorkar bad pynshlur ïa ka jingïashim bynta kaba kham ïar na ki nongbei tyngka jong ka pyrthei kiba kwah ban ïashim bynta ïa kawei na ki ri ba heh jong ka pyrthei kaba kiew stet bha ha ka ïoh ka kot.