Ha ka jingpynap shrip ha Ri-Bhoi, kurup ki pulit ANTFU ïa u drok ba shongdor kumba 5 lak bad kem ar ngut

Nongpoh, Nailar 11: Ki pulit Anti-Narcotics Task Force jong ka jylla Meghalaya, ha ka 10 tarik Nailar kila ïoh ban pynap shrip ar jaka ha ka thaiñ Umïam bad ïoh kurup haduh 32.64-gram u drok heroine ba shongdor kumba 5 Lakh eiei.
Hadien ka jingïoh jingtip kaba thikna ba don ki nongkhaii drok kiba ïaid lyngba ka Ri-Bhoi, ki pulit ka ANTF kila pynieng da ki NAKA haka thaiñ Umiam ban ioh kem ïaki bad ha kaba nyngkong ki pulit kila ioh bat ïa kawei ka kali kaba don ïa u number AS 01 AV 1166 ha lad Umiam ha ka por janmiet bala shong da u Allan Marweiñ na Mawlai Nongkwar Block 13 bad haka jingtalasi katkum ki kyndon aiñ ki pulit kila ioh kurup kawei ka synduk sabon na katei ka kali bad lap ruh ba u dei u heroine ba don kumba 10.93 gram ka jingkhia.
Shuh shuh ha ka juh ka sngi ha ka por miet pat la ioh ban bat sa ïa kawei ka scooty kaba don ïa u number ML 05 AB 9546 kaba la pyrshang ban phet krad naka jaka pynap shrip jong ki pulit, bad naka liang ki pulit kila ioh ban kem noh ïa u Jaziel Nongjop Syiem bad haka jingtalasi la ioh ban kurup 2 tylli ki synduk sabon bala buhrieh hapoh ka jacket bad lap ruh ïa u drok heroine ba shongdor kumba 21.71 gram.
Na ka liang ki pulit kila kem noh ïa kitei ki 2 ngut bad kurup noh ïa kitei ki jingdih buaid, katkum ki kyndon jong ka NDPS Act, 1985.