Donkam ban pynneh ïa ki jingithuh paramarjan ha ka ïap ka im ne kiwei ki bynta, ong u Bah Paul

0

Shillong, Jylliew 23: Kum shi bynta ban pynneh pynsah ïa ki riti dustur bad khamtam ka jingdon ka jingïadei bad jingithuh para marjan kumba la leh naduh ki por mynshwa kham tam ha ka ïap ka im, ong u Myntri ka tnat Tourism ka sorkar jylla bad u MLA ka UDP u Bah Paul Lyngdoh da kaba ong ba kum ka jaitbynriew Khasi Jaiñtia dang dei bha ban pynneh pynsah ïa ka Riti dustur kaba ki longshwa manshwa ki la hikai bad ïa kane dei ban hikai ruh ïa ki khun ki kti ka ban long kum ka jinghiar pateng ka ban neh shyrta.
Ïa kane u la ong ha ka prokram pynkup burom jong ka Seiñ Jaiñtia Women’s Wing ïa i Kong Silbi Passah iba la ïoh ïa ka khusnam Padmashri bad ïa i hep rit Mansa Najiar iba la dei i nongthoh kot ba dang khynnah tam ha ka jylla ha kaba kane ka prokram la pynlong ha ka sngi Saitjaiñ hapoh ka Seiñ Jaiñtia hall Qualapatty.
“Haduh mynta ki shnong kiba naduh Motphran sharum haduh Mawprem, nangta ka Mawlai, ka Jaïaw, bad jan baroh ki shnong Khasi Jaiñtia ki dang pynneh ïa ka dustur ba haba ïap briew ki para marjan bad shaduh kiwei ki shnong ngi dang ïatip bad ban ïawan sngewlem bad baroh shimied kato ka ïing ka dap beit da ki briew kiba apmied, hynrei ki don pat katto katne ki ïing haba ïap briew tang haduh 11 baje eh mynmied dang don briew ynda wan slem ïa kane lah khang gate bad lada kylli ki jubab ba ki tieng ïa ki nongtuh khamtam ha kane ka por ba la jur bha kiba tuh ba thiem,” ong u Bah Paul.
Na ka liang jong u, u la ong namar kata ba kum ki Khasi Pnar dei ban pynneh ïa kane ka jingïatiplem lane kata ka Community bonded kaba mut ka jingïajan hapdeng ki para nongshong shnong.
“Kaba pynkhlaiñ ïa ka jaitbynriew kadei ka Community bonded, bad kumta dei ban hikai ïa kane haduh ki khun ki kti, nangta ka akor ka burom, ngi shane haba ngi ïaid nakhmat jong ki briew ngi dem, ym sha kiwei ki ri ha kaba kim leh ïa kane, kumta nga ong ha phi ba ka jaitbynriew Khasi Jaiñtia kadei kaba kyrpang bha,” u la ong.
Na ka liang jong u, u la ong ba kum ka jaitbynriew dei ban pynneh ha kaba ïadei bad ka rukom kheiñ kur kaba dei kaba itynnad bad dei ban pynshlur ïa kane bad kum ka Community kaba riewspah donkam ban pynpaw (showcase) ïa kane sha ka pyrthei ba ka jaitbynriew kadei kaba kyrpang.
Halor ka jingbuh ïa u Mot jong u Tirot Singh hapoh Dhaka Bangladesh, u la ba kum u Myntri ka Arts and Culture ynsa buh ka thong ban ithuh ne identify thik ïa ka jaka ne spot ba la phasi ïa U Woh Kiang Nangnah khnang ba ka sorkar kan lah ban leh eiei ha katei ka jaka.

Leave A Reply

Your email address will not be published.