Mawkyrwat, ‘Naitung, 19: Ka Additional Deputy Commissioner jong ka South West Khasi Hills District ka la pyntip ba u Joint Secretary jong ka sorkar Meghalaya, Home (Police) Department ula pyntip ba ka ‘Department for Promotion of Industry & Internal Trade’ (DPIIT), Ministry of Industry & Commerce jong ka sorkar India ka la ithuh ïa ka Recorded Music Performance Ltd., (RMPL) kum ka Copyright Society na ka bynta ka Sound Recording ha ri India katkum ka Registration No: CS/03/SOUND RECORDING/18.
Ka RMPL ka la ïoh ruh ïa ka bor ban ai license hapoh ka Sec 33(3) jong ka Copyright Act, 1957 na ka bynta ban pyndonkam ha ka Sound Recordings. Namarkata, ka long kaba donkam ban ïoh ïa ka ‘Public Performance License’ na ka RMPL hapoh ka Copyright Act, 1957 na ka bynta ban pyndonkam ïa ki copyrighted music khamtam ha ki Event/Programme ba pynlong ha ki jaka paidbah lane ki rynsan hapoh ka distrik.
Lah ruh ban kdew ba ka License Fee kat kum ba la buh da ka Copyright Society dei ban siew da ki nongpyndonkam ïa ki jingrwai, lymkumta kin hap hapoh ka jingpynshitom hapoh katei ka aiñ bad kin shah pynngat kat kum ka Section 63,64,68,69 jong ka Copyright Act, 1957.
Na ka bynta kino kino ki jingïarap lah ban thoh ha ka email: nodalofficer@rmplindia.org lane ban phone ha ki 9810027727/9830016114.
