Dheng kali shipor namar ka jinghap kyndew bad dap um ha ka surok NH-6 ha tunel ha Sonapyrdi-EJHD

Khliehriat, Jylliew 29 : Mynta ka sngi ka la don biang ka jingtwa khyndew bad ka jingtuid ka um ktieh ha surok national highway-6 ha jan ka tunel ha Sonapyrdi ha East Jaiñtia Hills District, kane ka la wanrah biang ïa ka jingdheng kali kaba shi por kaba la neh kumba lai kynta, bad ki kali ki la lait ban iaid haduh ka por jan miet 5 baje jan miet.
La ong ba dei na ka daw ka jingther jur u slap uba la neh baroh 24 kynta, na kata ka daw ka khyndew ha katei ka jaka ka la syntuid shapoh surok bad ka surok ka la dap da ka khyndew ktieh bad ka um kaba la jyrsieh haduh bym long shuh ban ïaid ki kali, ki nongtrei jong ka NHAI kiba don ha katei ka jaka mar mar wat hapdeng ka jingther u slap ki la pynkhuid ïa ka ktieh kaba la jyrsieh ha surok.
Na ka liang ka tnat pulit jong ka East Jaiñtia Hills District, ka kyntu ïa ki paidbah kiba ïaid lyngba na katei ka surok na Narpuh ba ki dei ban da long adkar ha ka rukom ñiah kali ban nym ñiah stet than ïa ki kali ha kajuh ka por, ka tnat pulit naduh ki taïew ba la leit ka la dep kyntu ruh ïa ki paidbah kiba ïaid lyngba na kane ka surok NH-6 ba kin da rah lang ïa ki jingbam bad ka um khnang ba kan nym buh jingeh ïa ki lada jia kano kano ka jingdheng kali.