Dei ban thaw da ka jingtohkit Judicial halor ka jingshah kynnoh ka USTM, ong u Bah Pohshna

Shillong, Rymphang 17: U State General Secretary jong ka BJP Meghalaya, u Bah Wankitbok Pohshna u la dawa ïa ka sorkar jylla ban thaw da ka jingtohkit judicial ha kaba ïadei bad ki jingshah kynnoh kiba bun pyrshah ïa ka USTM.
Ha ka jingkren jong u, u Bah Pohshna u la ong, “Ha kane ka por kaba bynta ki la don sa tang ki jingshah kynnoh bad dei halor kane donkam ban dawa ba dei ban don ka jingtohkit da ka neutral agency. Wat ki jingshah kynnoh ba don ki degree ba shu thok bad ki syrnot kiba bakla, kine ki dei ki jingjia kiba ym lah ban pdiang bad dei ha kane ka kam ba ka sorkar ka donkam ban shimkhia bad ban pynlong ka jingtohkit khnang ban mih ki jingshisha sha ki paidbah.”
“Ka long kaba shisha ba mano mano ki lah ban kynnoh hynrei kane ka sah ha ka jingshah kynnoh ka sorkar. Ka sorkar Assam ka la byrngem ban ym ithuh shuh ïa ka USTM ha kaba kane ka kan ktah bha ïa ka sorkar Assam,” u la ong.
“Ka donkam ka jingtohkit kaba thikna kaba donkam lang da ka sorkar Meghalaya ha kaba ïadei bad kane ka bynta. Lada kine ki jingtohkit bad jingkynnoh ki long ki ym dei kan ktah ïa ki samla pule, bad dei halor kane ba ka sorkar Meghalaya ka dei ban shim khia,” ong u Bah Pohshna.