Dankam ban ïakhun lang 80% (Khasi & Garo) ha ka thung kam thung jam : MLA Jowai

Plie u Wailadmiki Shylla ïa ka jaka hikai shuh jaiñ ba nyngkong ka NeIPS ha Jowai

0

Jowai, Ïaïong 22 : U MLA ka Jowai Constituency u ma Wailadmiki Shylla ha kane ka 21 tarik ula plie ïa kawei na ki jaka ai jinghikai suhjaiñ na ka bynta ki 25 ngut ki khun samla kiba don jingmut ban shah hikai hapoh ka North East Institute of Professional Studies kaba don ha Mynthong Pohkseh Jowai.
Ïa kane ka kam ai jinghikai yn ïarap bei pisa lyngba ka Meghalaya State Skill Development Society Jowai WJHD da ka jingkyrshan lang ka tnad Municipal lyngba ka Day-NULM bad ka phang jong kane ka prokram ai jinghikai kaba ong “ka jingïaleh pyrshah ïaka jingkyrduh kam! Ban dup skhem ka lawei ngin pda la u khnam, ha ka thong kaba jwat, ki mawlyngnai ba ngin mad”
Ha kane ka sngi nalor u kongsan la ïadonlang u bah Michael Thongni Chief Executive Officer & Managing Director, NeIPS, ma Lambormi Suchen SDO, MSSDS Jowai, u Waheh Shnong Mynthong ma L. Pohktai nalor kiwei kiwei de, katba ïa ka jingialang la pynïaid da u ma Raj Passah Center in-charge, NeIPS Jowai.
U ma Wailadmiki Shylla ha ka jingkren ula ong “kum kane skim ai jinghikai la wanrah tang na ka bynta ki samla kiba don ha ki jaka sor (Urban Area) lyngba ka tnad Municipal, hadien ka jingïohi jngai jong u kiba bun na ki skim ai jinghikai ïa ki samla ki leit sha ki jaka nongkyndong”.
Ha ka juh ka por u kyntu ïa ki khun samla kiba shah hikai ban kin pyndonkam hok ïa kane ka kabu na ka bynta ka lawei jong ki, ym ban shu wan khlem da don ka mynsiem namar kane ka bun jingeh ha ka kam ka jam hadien habud. Ula pyntip ruh ba hadien jong kane ka jingshah hikai ki samla kin sa ïoh ïa ki tiar ban pyndonkam lyngba ka MSSDS Jowai.
Ula ong ruh kum u MLA “un sa ïakren hapoh ka ïing dorbar thawaiñ ka jylla halor ka rukom thung kam thung hapoh ka jylla ban dawa pynduh ïa ka Reservation Policy kaba 40/40 (Garo bad Khasi) bad ban pyntreikam noh da ka 80 present ïa baroh lang bad kane kan sakhi kiba stad ki wan hi shakhmat lada dei u Garo ne Khasi”.
La pynphuh shuh shuh ïa kane ka sngi da ki jingrwai bad ka jingshah na ki samla kiba wan shah hikai ha kane ka kam suh jaiñ.

Leave A Reply

Your email address will not be published.