Phuh phieng ka jingpynskhem nongkitkam ka JSM Western Region na bynta ka Samoi 2023-2026

Jowai, Ïaïong 21: Ka Seng Jaiñtia Student Movement (JSM) Western Region mynta ka sngi 22/4/2023 ka la pynlong ïa ka jingbam smai ne jing pynskhem ïa ki Nongïalam na ka bynta ka Samoi trei kam 2023-2026.
Ïa kane ka programme bam smai la pynïaid da u Working President, Central Body Bah Jimmy Raul Kharmuti, la ïoh ïa ka jingkren pdiang burom na ka kong Syllimon Challam, Publicity Secretary WR ha ryngkat ka jingïadonlang u President Rangbah, bah Leningstar Rymbai bad General Secretary bah Roitre Dkhar, Chief Organising Secretary Bah Pillarstone Phawa bad kiwei de ki Nongïalam Rangbah jong ka Seng na Central Body.
Ïa kane ka programme la pynphuh pynphieng lyngba ka jingïadonlang ki nongïarap bad ai mynsien jong ka Seng naduh u Senior Advisor, Sir Terence Sawian bad u Legal Advisor ka Western Region, Sir Fivestar Suiam. Lai ïoh ruh ka jingkren na u Working President, WR bah Wanpoi Lyngdoh na u Senior Advisor ka Seng Kmie u Sir Terence Sawian, uba la ban ba kala poi ka por ban ïoh ki nongïalam kiba buh ha khmat ïa ka jaidbynriew bad kum ka Seng la dei ban pyrkhat bad wad ki lad lynti na ka bynta ka lawei ki khun samla. La ïoh ruh ka jingkren na u President Rangbah, Bah Leningstar Rymbai uba la iathuh lyngkot ïa ka jingïaid lynti ka Seng ha ryngkat ka jingeh bad jingkyrkhu, ha ka ba u la iathuh ba naduh u Snem 2016 ka Seng kala buh dorkhat bad dawa na ka Sorkar ban ai Government College ha East Jaiñtia Hills District bad ban upgrade ïa ka Kiang Nangbah College kaba don ha West Jaiñtia Hills District na ka bynta ka jingmyntoi bad ka lawei ki khun Samla ks Rilum Jaiñtia baroh kawei, u la ong ruh ba ka Seng hi ka don ka thong ban shakri ïa ka jaidbynriew ha kaban ïada ïa ka khyndew ka shyiap, ban ïada bad pynkiew ïa ka Kamai kajih bad ban pynim bad pyneh ïa ka Riti Dustur jong ka jaidbynriew kaba dei ka nongmuna jong ngi. U la ban ruh ia ki Nongïalam ban long kiba don nongrim bad stad bad shemphang ha kaban ai ïa ka jingshakri bad ha ka jingïaleh na ka bynta ka ïap ka im bad ka lawei jong ki paradoh parasnam, khatduh eh u la ong ba kum ki nongïalam ngi dei ban long kiba Jai Jai bad don mynsien ïaishah wat hapdeng ki jingeh ba har rukom. La ïoh ruh ka jingkren lyngkot na u General Secretary Seng Kmie Bah Roitre Dkhar uba la kyrkhu kyrdoh bad kitbok kitrwiang ïa ki Nongialam ka JSM, WR bad uba la shim ruh ïa ka bynta ba khraw ban pynkup burom ïa ki Nongïalam thymmai jong ka Seng na ka bynta ka Samoi trei kam 2023-2026.
Katba na ka liang u President, WR Bah N. Ribok Biam ha ka jingkren, Ula ban khia ban don ka jingïatreilang bad jingïasngewthuh jingmut para Nongïalam bad ki shipai ka ing ka sem khnang ban im ka jaitbynriew. Ula ïathuh lyngkot ruh halor ka jingeh ki Shnong ki thaw bad ki paradoh parasnam ban shong ba sah ha thaiñ Border bad ula kular ban shim khia halor kane ka mat ba ktah mationg ïa ka ïap ka im ka jaitbynriew, la ïoh ruh ïa ka kyntein khublei na u Vice President, WR Bah Pynjur Suchiang bad ia ka Motto jong ka Seng la pyrto bad pyrta jam da u General Secretary, WR Bah Shanskhem Suchiang.
Ki nongkitkam jong ka Seng Jaintia Student Movement na ka bynta Samoi trei kam 2023-2026 ki long President N Ribok Biam, Vice President Pynjurbha Suchiang, Working President N Jordan Rymbai, Working President Wanpoi Lyngdoh, General Secretary Shanskhem Suchiang, Asst. Secretary Sequacious Pakma, Organzing Secretary Thrangmiki Suchiang, Asst Organzing Secretary Fortune Suiam, Education Secretary Everstay Dkhar, Asst Education Secretary Heihok Supuh, Financial Secretary Pynbait S. Passah, Displine Secretary L Kamar, Asst Displine Secretary Sebastian Supuh, Sport Secretary Shemphangmiki Shylla, Asst Sport Secretary, Ridiam Sumer, Publicty Secretary Syllimon Chalam, Asst Publicty Secretary Joply Rabon, Socio & Cultural Secretary Boyme Marphet, Asst Socio & Cultural Secretary Gevenroi Suchiang, Information Secretary Vision Nongbri.