Shillong, Lber, 14: Uwei u nongtuh uba ym shym la ithuh durkhmkat satia ha ka step phyrngap sngi Palei ha ka por 3:20 mynstep u la prong tuh ha kawei ka ing ha ka shnong Mawlai Phudmuri, khlem jingsalia wat haba ha phyllaw la pyndait da ka CCTv.
Na phyllaw jong kane ka ing, une u nongtuh u la ïoh rong ei ïa u Battery kali bad lyngba ka CCTV la ïohi ba une u runar u la pyrshang shwa ban khynra ïa kiwei pat ki kali hynrei um shym la lah hynrei hadien u la leit rung ha kawei ka kali kamai bad ïoh rong ei ïa u battery kali.
U nongñiah jong ka kali ynda u la khie thiah mynstep bad thmu ban leit kamai hynrei haba u la pyrshang ban pynim ïa ka kali kam shym la long satia bad ynda u la peit shapoh u la lap ba u Battery kali u la shah tuh.
Kane kan long ruh kum ka khubor sha ki briew kiba ju set kali sha surok ne wat ha iing ba kin da phikir bha shwa ban set khnang ban lait na ka jingshah tuh ki tiar kali namarba ka jingjyllei jong ki nongtuh ha kine ki sngi ka long kaba shyrkhei bha.
