Shillong, Naitung 14: Ka surok na Garikhana haduh kine ki sngi ka dang ïai long kumjuh bad ym pat don satia kiba maramot bad kane ka surok kumba ka long mynta ka dang pynlong ïa ki paidbah ban mad ïa ki jingeh ba khraw na ka jingïaid lynti kaba man la ka sngi.
Ha kaba ïadei bad kane haba na ka liang jong u nongthoh khubor uba la ïoh ban leit khmih ïa kane ka surok la lap bad la shem ba kane ka surok ka dang ïai long kumjuh khlem da don kiba maramot satia.
Kane ka surok kadei kaba la slem bha bad kaba dei ruh kaba ïaid da ki kali manla ka sngi naduh ki kali kiba heh haduh ki kali kiba rit bad kiba bun na ki paidbah ki la pynpaw ïa ka jingdonkam ban maramot noh kloi ïa kane ka surok khnang ba kan wan rah ka jingsuk ïa kiba ïaid ba ïeng manla ka sngi.
